I dag har Birger Berge køyrt løype til Haugsvarden.  Fin-fine forhold, og 70 cm snø på Austrheimsstøylen.

Løypemannskapa har allereie vore igjennom mykje av løypa på Kleivane, og det borgar for at alle kan få ein fin skitur i dag.  Komande veke ser vermeldingane flotte ut, med passeleg med minusgrader og stabilt ver.

Hugs å kjøpe parkeringsbillett, eller årskort! Det kan betalast med kontantar eller VIPPS nr. 82867 

Vi minner om at prisen for årskortet framleis er kr. 500,- fram til 23/12, deretter kostar det kr. 600,- pr år.  Kort får ein hos Statoil på Øyrane, eller Intersport på Sandane.  Ein kan også bestille hos kasserar Sigtor Tveit,  s-stvei@online.no .

      

Onsdag kveld hadde idrettslaget styremøte, der ulike orienteringssaker + vanlege styresaker var på agendaen.

- Fjellhug/Vereide held på med ei jubileumsbok til 125-årsjubileet, der Øyvind Indrebø er primus motor og leiar av dette arbeidet. Han orienterte styret om bokprosjektet. Nemnda er starta opp med arbeidet, m.a. med intervju og samtalar med den eldre garde i laget.  Dette arbeidet vil halde fram ei tid, og deretter blir det meir graving i historia gjennom arkiv, gamle aviser m.m.  Med i nemnda er Ingrid Gimmestad, Bjarne Hauge, Torill Fjellestad, Dagfinn Nyhammer, Arne Klakegg og Per Rune Vereide.  Fleire vil måtte kome til etter kvart, når her er fleire tema og område som skal dekkast. 

- Ståle Austrheim var med i styremøtet for å orientere litt om tankar kring veg og framkomst til støylar og hyttefelt, etter som vegen gjennom Engesetåsen er rimeleg utrygg for nedfall av stein.  Dersom det er aktuelt med framkomst over Kleivane, vil dette også involvere idrettslaget og området ved skianlegget.  Førebels er dette på tankestadiet, og det kan vere ei tid før ein ser konkrete løysingar.

- Vegard Fagerli, tidlegare leiar i valnemnda, orienterte om nokre problemstillingar rundt manglande tillitsvalde i grupper i laget.  Valnemnda sjølv mangla også to personar som det hastar litt med å få på plass.  Ein har også fått påpeika at vi har ein mangel i styresamansetjinga, då det skal utpeikast vara for alle styremedlemene.

- Idrettslaget har gjort ei undersøking mellom ungdom som soknar til Fj/Vereide om dei er opptekne av idrett og trening, kva aktivitetar dei ønskjer, om ein manglar tilbod, osv.  Denne undersøkinga er også oversendt til Sogn og Fjordane Idrettskrins, som har funne den interessant, og ønskjer å følgje den opp.

- Kasserar Sigtor orienterte om utskiftinga av lysarmatur i skiløypa på Kleivane.  Idrettslaget har fått tilskot, men må også betale ein god del sjølv.  Utskiftinga er no ferdig, og lyset er flott, vert det meldt.  Og ikkje minst bør det kunne sjåast igjen på ei rimelegare straumrekning.

- Alle gruppene fekk utskrift av medlemslista, der ein vart bedne om å gjennomgå listene med tanke på å stryke dei som ikkje er medlemer lenger.  Det vart også levert inn lister over dei som er med på treningane, slik at kasserar kan sende ut rettast mogeleg giroar for medlemskontingentar.

- Gruppene vart også minte om å framskaffe politiattestar på trenarane, her er det ikkje 100% enno frå alle gruppene.

- Økonomi.  Laget har grei økonomi, sjølv om det er fleire store utbetalingar som ventar før årsskiftet. 

- Orientering frå gruppene.  Alle driv rimeleg greitt.  Barneidrett har treningar for dei yngste, med bra oppmøte.  Trimgruppa har brukbart oppmøte, med litt færre på sirkeltreninga i år, samanlikna med i fjor. Skigruppa har fått uventa tidleg snø, og har køyrt opp løyper.  Volleyball har treningar og seriespel, det same gjeld handballgruppa, som har dei yngste med i minihandball.  Friidrettsgruppa har trening innandørs saman med STIL for 8-12 år, og skal ha eit innandørsstemne i Trivselshallen 14. januar. 

Fjellhug/Vereide har bruk for trenarar i barneidretten.  Vi treng deg som kan tenkje deg å vere med på denne viktige delen av idrettslagsarbeidet.  Her er info om barnetrenings-kurs:

https://www.friidrett.no/k/sog...

Laurdag startar avstemminga om "Klubben i mitt hjerte".  Alle som synest at Fjellhug/Vereide fortener ei stemme, bør stemme så mange ganger dei kan! 

REGLER

Reglene er enkle. Klarer din klubb å samle 50 stemmer eller mer i løpet av ett døgn, er klubben med på trekningen av tre dagspremier på 10.000 kroner fra SpareBank 1. Med en gang et idrettslag har oppnådd 50 stemmer i løpet av én dag vil det bli offentliggjort på klubbenimitthjerte.no at idrettslaget er med i trekningen av 10.000 kroner. Et idrettslag som oppnår 50 stemmer hver dag i kampanjeperioden kan delta i totalt 10 trekninger. Vinnersjansene er derfor store. Alle idrettslag, samt bedrifts- og studentidrettslag deltar på lik linje. På P4s formiddagssendinger vil gårsdagens tre vinnere offentliggjøres og vinnerne vil samtidig også bli offentliggjort på klubbenimitthjerte.no. Totalt deler SpareBank 1 ut 30 premier á 10.000 kroner og to hovedpremier på 50.000 kroner. I tillegg deles 100.000 kroner i ekstrakonkurransen for Spleis.

http://www.klubbenimitthjerte....

Sebastian Bakkelid sanka seg 168 poeng på fjelltrimmen 2016, og var såleis beste ungdom under 15 år på Fjellhug/Vereide sin Fjell-Trim.

Sjå oversikta her

Elles tok som vanleg familien Hauge for seg i dei andre klassane, på biletet har vi ansvarleg for fjelltrimmen, Rune Hauge, på  den truleg mest besøkte toppen i Gloppen; Haugsvarden.

Trimgruppa jobbar elles med å organisere elektronisk registrering av besøk på trim-postane, noko som fleire lag i Gloppen har teke i bruk, og som også er etterspurt av turgåarar.

   Fjelltrimmen 2017

Nordstrandsfjella er framleis det mest attraktive trimtilbodet i Gloppen.

At 3.112 deltakarar har registrert seg 10.595 gonger på dei 6 trimpostane som Fjellhug/Vereide har, syner det.

Haugsvarden er den klart mest besøkte posten. For dei andre postane er heller ikkje så stor  variasjonen frå år til år. Totalt 10.595 besøkande i 2017 mot i fjor 10.718 besøkande.

Poengsatsane er som før:

• Haugsvarden              5 poeng           7.004 besøk     (i fjor 7.233 besøk)

• Svinestranda               5 poeng           1.250 besøk     (i fjor 1.299 besøk)

• Vetestova                   4 poeng              595 besøk     (i fjor 660 besøk)

• Blånibba                     5 poeng              978 besøk     (i fjor 915 besøk)

• Svarthammaren          4 poeng              361 besøk     (i fjor 322 besøk)

• Dunheia                      6 poeng              407 besøk     (i fjor.289 besøk)

170 personar har greidd krava for merke og statuett.

Krava er:

• Opp til 60 år,  50 poeng

• Over 60 år,      40 poeng

• Under 10 år,    40 poeng

Magne Hauge har høgast poengsum i år, 2.181 poeng.

Heiderpris i år:

• 30 år fjelltrim – Reidar Føleide og Per Einar Andenæs

Ansvarleg for merke og statuettar:    Trimutvalet v/Rune Hauge

Massevis av gevinstar, mykje folk og god stemning!  Fjellhug/Vereide-basaren i Haugtun søndag kveld var ein suksess frå ende til annan!  Det kom inn brutto ca 60 000 kroner, noko som kjem svært vel med for aktivitetane i idrettslaget.

Takk til alle som støtta opp med loddkjøp, til butikkane som har gjeve gevinstar, og til Roger og økonomigruppa som har jobba så godt for å få eit flott resultat!