Kjempeflott friidrettsdag med Nordstranda Skule i går! Dette er ein årviss tradisjon etter kvart, og som tidlegare år var det 1. Idrett på Firda vgs som var hjelparane våre. Dei gjorde ein super innsats gjennom heile dagen, og gjorde dagen til ei oppleving for dei som var med! Takk til Firda Vgs.

Laurdag 3. juni

vil over 200 personer tråkke seg rundt Nordfjorden.

Opp Utvikfjellet vil dei nok minst ein gong lure på kva i all verda som fekk dei til å melde seg på denne kraftprøva?

Møt opp på Sandane i to-tida, og ver med å heie ryttarane fram!

Ta med deg familie og venner, flagg, bjøller og anna moro. Ver med å gje ryttarane ei kjærkomen energi-innsprøyting når dei syklar gjennom Nordstrandsvegen i Sandane Sentrum.

I tillegg til idrettsglede kan vi freiste med Gloppens beste speaker, Selfie-vegg og Nordfjordritt-quiz med kjekke PREMIER. Buff og sponsormateriell til dei 100 første som legg ut bildar med #Nordfjordrittet2017#.

Klokka 15:30 trekkast vinnaren av Nordfjordritt-quizen, som får eit gåvekort på 500 kronar frå G-Sport. Lollipop frå Diplom-Is til barna som forsatt heier etter klokka 15:00.

Velkomen!

Helsing Sandane Sykkelklubb

Biletet: Sander Aske Granheim spurtar mot mål på 60 m

Pga av konfirmasjon i bygda var det vanskeleg i år å få deltakarar (og funksjonærar) på Sparebankleikane. Men Sander og Nikolai Aske Granheim, samt Tobias Bakkelid og Steffen og Håkon Fjellestad var med.

I G18/19 kasta Steffen Fjellestad slegga 39,80, som gav han 2. plass

Håkon Fjellestad (G17) kasta slegga (3 kg) 49,19 m, og vart nr. 3

I gutar 12 år vart Sebastian Bakkelid nr. 3 i høgde med 1,20 m).

Tobias Bakkelid (G10) fekk resultatet 5,96 i kule

Sander Aske Granheim (G10) fekk 10,23 på 60 m, og 3,69 i lengde (beste res. i klassen her)

Nikolai Aske Granheim (G11)fekk resultata 7,19 i kule, 10,29 på 60 m og 3,80 i lengde.

I tillegg fekk Else Lundestad (GFIL) resultatet 41,52 m i diskos!

Sparebankleikane er i gang. Fredagen byr ikkje på så mange øvingar, men det vart fin-fine resultat i det som vart arrangert.

Lars Agnar Hjelmeset(biletet), Nittedal,og med røter på Hjelmeset, sprang ein god 2000 m hinder, og kom inn på 6.05,91. Dermed nådde han eit kvalifiseringkrav for OL for 16-åringar med god margin. Noreg skal sende 6 deltakarar til dette OL, og det er dermed ikkje klart enno om Lars Agnar vil vere ein av desse. Men med 10 sek. under kvalifiseringskravet, skulle sjansane absolutt vere der. Vi kryssar fingrar!

Søstera, Marthe Johanne (15) fekk også ei god tid på 1500 m; 5,05,61.

Fjellhug/Vereide il hadde ein deltakar med på fredag; Håkon Fjellestad. Han fekk 3. plass i slegge G17 (5 kg slegge), med 50,13 m.

Resultat frå dagens stemne finn du her (resultata vert oppdaterte etter kvart som stemnet går, i morgon og på søndag):

http://webres.andro.no/gloppen/sparebankleikane/20...

Tidsskjema Sparebankleikane 2017

70 frammøtte på kveldens Gloppe-Trim, som var 5. trimkvelden denne sesongen. No står det igjen 4 kveldar før vi tek sommarferie, så då er det om å gjere å nøyte seg litt og få desse kveldane med!

Kveldens gåvekort var frå klatre- og fritidsparken Høyt & Lavt,og den heldige, og spreke, vinnar vart Halldis Lyngstad. Ønskjer ho ikkje å klatre i tretoppane sjølv, er dette ein fin presang til barn eller barnebarn.

Vi er midt i førebuingar til sommarens store begivenheit i idrettslaget; Norgescup-motbakkeløpet Svinestranda Opp

Her har vi fått med oss mange gode sponsorar som gjer det mogeleg å ta på seg eit slikt prestisjearrangement, sjå berre:

(illustrasjonfoto)

Det var diverre ingen frå Fjellhug/Vereide som møtte opp då vi arrangerte seriestemne på idrettsplassen i kveld. Derimot var det ein fin gjeng med STIL-arar som under dei flotte forholda fekk gode resultat. Øvingane var 60m, lengde, kule og 600 m.

Kule: Gutar 12 år nytta 3 kg, medan resten nytta 2 kg-kula.

Fjellhug/Vereide IL har gjort ei undersøking mellom ungdomsskule- og vidaregåande-elevar som soknar til Fjellhug/Vereide om treningsaktivitet, kva dei ønskjer, og om dei ønskjer tilrettelegging, eller fri aktivitet. Grunnlaget for samandraget nedanfor er 58 innleverte svar.

Heile 81 % er med på organiserte treningar, noko som kanskje var litt overraskande. Også kanskje litt uventa at det var 75 % som ønskte organiserte i idrettslag-regi, og at heile 80 % ønskte faste rammer rundt treninga. Uorganisert og "frie aktivitetar" hadde liten oppslutnad.

Samandraget av undersøkinga vart slik:

• Aktiv deltaking på trening og konkurransar:
  • 93% driv med aktiv trening og/eller konkurransar
  • Ikkje nokon stor skilnad på aldersgruppene, eller mellom gutar og jenter

• Er med på organiserte aktivitetar i idrettslaget?
  • 81%er med på organiserte treningar
  • 23 av 26 gutar i ungdomsskulealder ER med på aktivitetar i IL-regi
  • 5 av 7 jenter i ungdomsskulealder er IKKJE med på aktivitetar i IL-regi.
  • 2 av 4 gutar på VGS er IKKJE med på aktivitetar i IL-regi.
  • 8 av 9 jenter på VGS ER med på aktivitetar i IL-regi
  • Alle over 20 år ER med på aktivitetar iIL-regi

• Kjekkaste aktivitetar
  • Innan- og utandørsaktivitetar er om lag like populære
  • Aktivitetar sommarstid er meir populært enn vinter-idrett.
  • Lagidretten er prioritert i høve til individuell idrett
    • Gutar GU: 80/20 % - lag/individuell
    • Jenter GU:om lag 60/40 %- lag/individuell
    • Gutar VGS: 80/20 % - lag/individuell
    • Jenter VGS: 80/20 %- lag/individuell
    • > 20 år:100/0 %- lag/individuell

• Tilrettelegging frå idrettslaget, eller fri organisering utanom idr.l.:
  • 75 % ønskjer organiserte treningar i il-regi, 25% føretrekkjer uorganisert
    • Gutar GU: 85/15 % - org/fritt
    • Jenter GU: 55/45% - org/fritt
    • Gutar VGS: 70/30% - org/fritt
    • Jenter VGS: 70/30% - org/fritt
    • >20:80/20% - org/fritt

• Faste rammer på treningane, eller uorganiserte og meir frie aktivitetar?
  • 80% ønskjer faste rammer i treninga
    • Om lag lik fordeling i alle aldersgrupper

• Kva tilbod bør prioriterast av idrettslaget:
  • Volleyball , Handball, og fotball + basistrening er mest nemnde.

Idrettskrinsen har informasjon om barneidrett. Les, og sjå video, her:

https://www.idrettsforbundet.no/Nyhet/idretten-lan...

Amalie og Mariell på full fart mot mål!

I alt 93 møtte opp på kveldens Gloppe-Trim, noko som er rekord i år. Det har litt å gjere med at foreninga for Hjerte og Lungesjuke arrangerte sin Hjertemarsj saman med oss. Vi håpar imidlertid at dei vil kome tilbake ein annan onsdag, det hadde vore kjempeflott.

Vinnar av gåvekortet frå Firda Elektro var Eivind Rauset.

Innbyding til Honndalsleikane. Her burde vi reise innover; flott bane, og kort reiseveg! Gje meg ein beskjed om du vil vere med: dagfinn.nyhammer@enivest.net

Jentene i Fjellhug/Vereide overraska seg sjølv og alle andre med å ta ein superfin 3. plass på årets Breimstafett. Julie Skjerdal sette fart på første etappe, og ved starten på bakken opp frå bana var ho 20 meter framfor neste løpar. Gjennom heile stafetten heldt vi 2. og 3. plassen, og det var ein skikkeleg gladgjeng som kunne juble over medalje. Dette er lenge sidan sist.

Gutane gjorde også ein respektabel stafett. Ove Hjelmeset tok like godt leiinga på første etappen. Sjølv om vi måtte sjå at andre ette kvart sprang forbi oss, kom laget inn til ein 7. plass. Mix-laget mellom Fj/V og STIL, med fire reservar frå kvart av laga, kom på plassen etter.

Resultat: http://www.breimstafetten.no/resultat/

Tidsmessig er tidene for gute- og jentelaget dei beste dei har hatt så langt tilbake som vi finn statistikk (2009). Beste plassering har i denne tidsperioden vore jentene sin 4. plass i 2010. Tidsmessig hadde jentene i dag betre tid enn gutane har hatt dei fleste åra frå 2009 til i dag. Med andre ord var dette ein kjempedag for begge laga!

På biletet: Malin Hauge Ravnestad, Mina Vereide Heggdal, Vilde Lothe, Julie Skjerdal, Anna Fjellestad og Cecilie Tveit. June Engeset og Berit Leirgul var reiste heim før medaljeutdelinga.

Fjellhug/Vereide-deltakarar: Hugs påmeldingsfrist tirsdag 23. mai, til dagfinn.nyhammer@enivest.net

80 frammøtte deltakarar i fineveret i Bukta, om lag same tal som sist. Vinnar av gåvekortet frå Vereide Blomster vart Aud Karin Neteland, noko som heilt sikkert fall i smak hos denne hage-dama!