https://www.kondis.no/svinestranda-opp-under-praktfulle-forhold.6395400-127693.html

 Ein fortener ein pust i bakken når ein er komen til topps! Foto Astrid Fjellestad Hauge

Uoffisielle resultat (blir sett over og kontrollerte om kort tid)..  Kjem masse bilete seinare i kveld!

På mobil kan det vere vanskeleg å å lese resultata (stor breidde).  Då finn du dei her:  Svinestranda Opp -Resultatliste 2021.xlsx

For dei som er ukjende med trasseen, kan eit kart hjelpe på.  Her finn du også ei kort løypebeskriving.

Starten går i Firdavegen (vegen som fører frå sentrum til Idrettsplassen). Løypa følgjer gangvegen langs FV615, kryssar denne ved Holvikelva, og held fram opp gjennom byggefeltet på Høgenausen, held fram gjennom undergangen under E39, og vidare over parkeringsplassen for Trivselsskogen. Kort etter parkeringsplassen passar ein på å springe stien rett fram, og ikkje svinge knapt til venstre. Då hamnar ein på TIN-campen. Heile løypa er sjølvsagt godt merka, men akkurat her var det i 2019 nokon uvedkomande som hadde flytta litt på merkinga...

Frå parkeringsplassen for Trivselsskogen følgjer løypa sagflislagt sti, til ein kryssar ein traktorveg.  Der byrjar første skikkelege stigning, og ein møter steintrapper laga av sherpaer frå Nepal oppover i bratthenget langs Holvikelva og -fossen.  Ver forsiktig i trappene, der er høgt utfor...  Eit stykke etter Holvikfossen kjem ein opp på vegen Engeset-Bjørndalen, og følgjer den, til ein tek av mot Gloppestadstøylen. Her er ekstra godt merka.  (Bilar som vil i retning arrangørområdet på Austrheimsstøylen, tek IKKJE av til Gloppestadstøylen, men køyrer nokre kilometer vidare innover). Løparane følgjer stien i overkant av Gloppestadstøylen fram til Austrheimsstøylen, der vi tek mellomtid.

Etter Austrheimsstøylen er det sti/rås innover mot Svinestranda, stien har slakk stigning i starten, men siste 1 - 1,5 kilometerane er det solid stigning.  

Heile trasseen er ca 7 km, og har ei oppstiging på ca 1070 m.

Der er 4 drikkestasjonar:  1) Når ein kjem opp på vegen Engeset-Bjørndalen,  2) Austrheimsstøylen,  3) I Grønebakkane, ca 1 km før toppen, og 4) på toppen (målgang)

 Startlista er no endeleg, og du finn den under:

Eli-Anne Dvergsdal (Førde/Gular/no Gneist) og Karoline Holsen Kyte, (Førde) i 2017

Motbakkeløpet Svinestranda Opp søndag vil vere eit løp som kan telje med i uttak av VM-troppen som skal til Thailand i november.  Sjølv om det er langt fram, er løpa i Norgescupen noko av uttakskriteria for troppen.

Her har vår lokale Sogn og Fjordane-deltakar Karoline Holsen Kyte frå Førde god sjanse til å markere seg. Ho deltek på vårt løp på søndag.  Vi veit at ho tidlegare har vist seg som ei av Noregs beste løparar når det er som brattast oppover!

Norge vil delta i motbakke-VM i Thailand (friidrett.no)

Nokre lurer på kva reglane seier om sekk og motbakkeløp.  Dei vart endra i 2020, og du finn dei her:  Norgescupløpa i motbakke for 2020 er no klare (friidrett.no)

Kort og godt ikkje krav til minimumsvekt, men innhald.

For dei yngste klassane, som startar på Austrheimsstøylen, har vi vurder løypelengde, løpstid, og avstand tilbake til startområdet slik at dei IKKJE treng å ha sekk.

I kveld, mandag, er det påmeldt 51 deltakarar til Svinestranda Opp på søndag. påmelde ligg i oversikta under.

Vi held imidlertid påmeldingslinken, http://mosjon.friidrett.no/event/335513/A1E63A0CDB424E2B807E26E70DFF8CD2  open til onsdag kveld kl 23:59 i første omgang.  Så det er enno råd å bli med!

Etter at vi set sluttstrek for nettpåmelding, blir det ikkje høve å melde seg på.  Dette fordi vi skal gjere klar startnummer m.m. i deltakarkonvoluttar.  Manuell påmelding fram mot løpsstart vert såleis ikkje godteke.

Veret på søndag teiknar til å bli glimrande.  Bli gjerne med, medan påmeldinga enno er open! 

Siste: Tirsdag kveld er talet påmelde auka til 60. Lista nednfor inneheld dei 51 første.

 Desse deltok:

Fjellhug/Vereide il er heldige å ha god støtte frå bedriftene i Gloppen!  

I samband med motbakkeløpet Svinestranda Opp og Gloppen Halvmaraton har vi sponsoravtale med 6 bedrifter/firma i Gloppen. Desse avtalane set vi stor pris på.  Vi ser på desse bedirftene som svært samfunnsinteresserte, der dei yter av sine midlar til verdifullt arbeid i lokalsamfunnet.   Gull verdt både for idretten og anna friviljug arbeid!

Frydenbø Bil held til på Dammen/Mona, og er spesialistar på Volvo.  I tillegg sel dei andre merke, og har stor og moderne verkstad.  I Volvo-bygda Gloppen vil du heile tida møte bilar på vegane som er handla hos Frydenbø!

BANO er ei forholdsvis ny bedrift i Gloppen, som også held til i Mona.   Baderomsmodular er det store produktet deira, der deira store mål er å gjere kvardagen lettare for pleietrengande og deira hjelparar. 

Accountor er store på rekneskap, og er ei bedrift som lenge har vore etablert i Gloppen.  Dei er ein stor arbeidsplass med mange og dyktige tilsette, som utfører rekneskapstenester, med tilhøyrande service.

Sparebanken Sogn og Fjordane er ein av dei større sjølvstendige sparebankane i Noreg.   Den er lokalisert i dei fleste kommunane i Sogn og Fjordane, med unnatak av indre Sogn. Sparebanken er kjend for å yte svært mykje av overskotet sitt tilbake til gode formål i lokalsamfunna, noko som m.a. idrettslaga er svært takksame for!

Sogn og Fjordane Energi er ein stor aktør i kraftmarknaden, og lokalisert med hovudkontor på Sandane.  Dei er også ei bedrift som deler ut midlar frå overskotet sitt, og svært mange lag og organisasjonar har gjennom åra fått gode midlar til arbeidet sitt frå SFE.

Organisasjonsplanen er revidert, du finn den her:   Organisasjonsplan pr 2021.pdf

7. Gloppetrimmen, 2. juni 2021

 Lista over dei 50 som var med.  Lise Elvebakk var den heldige vinnar av gåvekortet frå HEIME Sandane.

Nokre av Fjellhug/Vereide-deltakarane på Byrkjelo i kveld.  I nye, raude skjorter sette dei farge på tilværet!

Flott friidrettskveld på Byrkjelo, med deltakarar frå Fjellhug/Vereide, STIL, BBIL, Brodd, Jotun, Jølster, Olden og Hornindal.  

NESTE STEMNE SOM DEI YNGSTE KAN VERE MED PÅ, ER 16. JUNI PÅ BYRKJELO.  DÅ ER DET 60 M, LENGDE OG LITEN BALL.

Funksjonerer Svinestranda Opp 2021.docx

I linken over ligg funksjonærlista for Svinestranda Opp 2021.  Vi håpar at dei oppsette kan stille på og hjelpe til, det er vorten ein stort sett fast gjeng som er med på å få til dette viktige arrangementet for Fjellhug/Vereide il.

Lista er også sendt ut på Messenger til dei eg har funne med det, vidare er det gått ut liste til resten i posten.  Kan du ikkje sjølv vere med, er friidrettsgruppa svært takksam om du finn ein som kan erstatte deg!  Elles må vi ha melding.