Løypa startar i år i Sandane sentrum (pga uferdig rehabilitering av Idrettsplassen). Ein spring gjennom Sandane sentrum, og vidare på FV615 langs sørsida av Gloppefjorden, med vendepunkt ca 3 km forbi Sande. Same veg tilbake til mål. Lågaste punkt i løypa er 2 moh, høgste punkt er 18 moh. Underlaget er asfalt.

Endring av løypa i år medfører ikkje endring i løypelengd, som er kontrollmålt.

Fram til 26. september:
Halvmaraton: 350kr
10km: 250kr

Frå 27. september:
Halvmaraton: 500kr
10km: 350k

Du finn link på denne sida til EQ timing. Påmeldinga skjer via denne sida.

Drikkestasjonar Halvmaraton : 3/19 km - 6,5/14,5 km - 9/12 km. Drikke: Saft/vatn.

Drikkestasjon 10 km: 3/7 km

Ja, du finn garderobar og dusj 200m frå startområdet, i Trivselshallen. Desse er opne frå klokka 11.00. Toalett finn du like ved start i STIL-stova.

Om du reknar med å bruke 2 timar eller meir, er det fint å starte i første pulje klokka 13.15. Alle andre melder seg på i pulje 2, med start kl 14.00.

Vi gjer vårt beste for at du skal vere trygg, og plasserer løypevakter på ulike stadar i løypetraseen. Delar av traseen er stengd for biltrafikk under løpet (0 - 7,5 km og 13,5 – 18 km ).

Parkeringsplassar er det nok av på Sandane! Parker ved Trivselshallen, Gloppen ungdomsskule eller i Sandane Sentrum.

• Henting av startnummer frå kl. 11.00 i resepsjonen på heradshuset i sentrum

• Det er kiosk i arrangementsområdet

• Premieutdeling er frå ca. 16.00. Vi premierer dei 3 beste i kvar klasse i halvmaraton, og vinnarane på 10 km, Fine premiar som blir uttrekt på startnummer.

• Du kan delta på ei sosial samling på Gloppen hotell etter løpet. Prisen på middag er 295kr - godt subsidiert av våre gode sponsorar.

• Vi anbefalar overnatting i Påldtun sine fantastiske hytter, eller på Gloppen Hotell. Elles finn du fleire tilbydarar av AirBnb-leiligheiter og campingplassar.