Ein æresmedlem er gått bort
Postet av Dagfinn Kaspar Nyhammer den 1. Sep 2023
Æresmedlem i Fjellhug/Vereide il, Håkon Lundestad, vart gravlagt frå Vereide Kyrkje i dag. Kyrkja var fullsett av folk som ville ta farvel med Håkon, som har vore ein bauta i idrettslaget.
Frå han kom tilbake til Sandane rundt 1970, har han gjort utruleg mykje for idretten. I Fjellhug/Vereide il tok han tak i friidretten, og fekk inn systematisk trening av god kvalitet, og det var veldig mange som møtte fram på treningane.
I tillegg til å trene sjølv, trene gode og middels gode vaksne og veteranar, var han ikkje minst ein viktig trenar for dei gode sprinterane vi hadde i laget. Harald Gjengedal hadde fire NM-gull på 400 m hekk, og han, saman med Eyvind Senneset, Jakob Lothe, Arne Klakegg, Jonfinn Aske og gjerne andre utgjorde fantastiske lag på 4x100 m, 4x400m og 1000 m stafett, trena av Håkon.
Håkon hadde mange viktige tillitsverv. Han var leiar i Sogn og Fjordane Friidrettskrins i fleire år, i Sogn og Fjordane Skikrins i 8 år, og i Sogn og Fjordane Idrettskrins også 3-4 år.
Ikkje berre idretten nytte godt av organisasjonsevnene hans. Pelsdyrnæringa, Senterpartiet, Odd Fellow og andre organisasjonar hadde stor glede og nytte av arbeidet hans.
Håkon var æresmedlem i Fjellhug/Vereide il. Med han har idrettslaget mista ein som har utretta utruleg mykje, og han vil gå inn i laget sine historiebøker som ein av dei store i klubben.
Kommentarer
Logg inn for å skrive en kommentar.
Siste fra Dagfinn Kaspar Nyhammer
![To og ein halv månad til Gloppen Halvmaraton](https://cdn-bloc.no/froala/200000195/908/2024/7/23/img-6071.jpeg?autorotate=true?autorotate=true&width=100&height=100&mode=pad&scale=both&anchor=center)
To og ein halv månad til Gloppen Halvmaraton
23.07.2024
![49 på siste Gloppe-Trim før ferien](https://azurecontentcdn.sitefabrics.com/froala/200000195/908/2024/6/19/img-20240529-185508.jpg?autorotate=true?autorotate=true&width=100&height=100&mode=pad&scale=both&anchor=center)
49 på siste Gloppe-Trim før ferien
19.06.2024
![Nest siste Gloppe-Trim før sommarferien](https://cdn-bloc.no/froala/200000195/908/2024/6/12/img-20240612-185150.jpg?autorotate=true?autorotate=true&width=100&height=100&mode=pad&scale=both&anchor=center)
Nest siste Gloppe-Trim før sommarferien
12.06.2024
![45 Gloppe-Trimmarar i kveld](https://cdn-bloc.no/froala/200000195/908/2024/6/5/img-20240529-185531.jpg?autorotate=true?autorotate=true&width=100&height=100&mode=pad&scale=both&anchor=center)
45 Gloppe-Trimmarar i kveld
05.06.2024
![50 på Gloppe-trimmen i går kveld](https://cdn-bloc.no/froala/200000195/908/2024/5/30/img-20240529-185451.jpg?autorotate=true?autorotate=true&width=100&height=100&mode=pad&scale=both&anchor=center)
50 på Gloppe-trimmen i går kveld
30.05.2024
![7 deltakarar på Sparebankleikane laurdag](https://cdn-bloc.no/froala/200000195/908/2024/5/26/img-20240525-134437--1-.jpg?autorotate=true?autorotate=true&width=100&height=100&mode=pad&scale=both&anchor=center)
7 deltakarar på Sparebankleikane laurdag
26.05.2024