Her finn du oppdatert versjon av Fj/V sin organisasjonsplan: 

Organisasjonsplan 2024.pdf

41 deltakarar denne onsdagen; det varme veret skremmer kanskje noko få traske/springe på Buktavegane.

God tid av Håkon Hjelle Roset på 4-km, han forbetrar tida si heile vegen, og dette er midt i ideen om å springe på tid: Ein konkurrerer først og fremst mot seg sjølv.  No er det like før vi ser 16-talet frå den gode Håkon! 

Ikkje så mange møtte fram i kveld, kun 37 trimmarar. Kanskje var det varmen og det gode veret som heldt folk vekke.  Vi håpar på fleire neste gong!  Biletet er teke for to veker sidan (Ole Dan Fuglestrand)

 Gloppe-Trimmen 15. mai

 Gloppe-trimmen 8. mai 2024

(foto: Ole Dan Fuglestrand)

 Vi skulle teke nye bilete i kveld, men det vart gløymt.  Då får vi bøte på det med å bruke eit frå 29. april 2009, det første Gloppe-Trimløpet i historia.Av dei som var med i dag, fann vi også Håkon Hjelle Roset på opningsdagen. Då var han 9 år, og sprang 2 -kilometeren på 12,11.  Vi har ikkje liste over dei som trimma utan tidtaking i 2009, men at Marit Apalset var der, akkurat som i dag, og absolutt alle trimkveldar desse åra i mellom, er heilt sikkert.  

Her kjenner vi igjen Atle Søreide, som framleis er sjefsskrivar, Jan Ivar Rise, Nils Ove Roset, Ivar Brun, Jorunn Fortun og Ragnhild Eimhjellen.Ingrid og Håkon Roset er kanskje dei to borna i midten, og bakerst Håvard (?) Holvik.

Kveldens namn og tal: 

Fjellhug/Vereide il inviterer til KM Terrengløp 2024

Fjellhug/Vereide Il inviterer igjen til KM i terrengløp på Sandane.  

Løypa går i den velkjende trasèen i Åsen (bark/grus), ei lettkupert løype, der ein full  runde er 1800 m. Det er ulike distansar alt etter klasse.

Dato og tidspunkt:      Lørdag 13. april, kl 15.00. 

Klassar og distansar:

- G/J 13 og 14 år:                     600 m

- G/J 15 og 16 år:                     1200 m

- G/J 17 og 18 år, Menn/kvinner junior (19 og yngre), KS og MV65+:  1800 m

- Menn senior og MV35-MV60:  3600 m

Påmelding: Via nettet på EQ Timing   KM Terrengløp S&Fj 2024 (eqtiming.com)

Påmeldingsfrist: 10. april.

Påmelding etter fristen, og inntil ein time før start: Tilleggskontingent: kr. 100

Startpengar:

* 13-14 år: kr. 60,- 

* 15 år og eldre: kr. 100,- ved førehandspåmelding. (Ved påmelding etter fristen: kr. 200,-)

Eingongslisens kr. 20,- for dei som ikkje har heilårslisens (Sidan startpengane går opp for 15 og eldre til 200,- etter ordinær påmeldingsfrist, går også lisensen automatisk opp frå kr. 20,- til kr. 30,-)

* Startpengar og lisens blir automatisk trekt frå konto ved påmelding (kontonr. arrangør: 3705.33.01917

Garderobar: Det er diverre ikkje garderobar ved løypa.  Næraste er i Trivselshallen, open til kl 17.00.  Toalett i startområdet.

KM-medaljer til dei tre beste i kvar klasse 

Parkering: Kommunen har godkjent parkering på grusbana på Myra under stemnet, så det er lov å køyre opp.

Styret ynskjer alle hjarteleg velkomne til årsmøte 2024 i Fjellhug/Vereide IL. 

Møtet vert helde i Gimle torsdag 21. mars kl. 19.30. 

Vanlege årsmøtesaker vert handsama. 

Lett servering. 

Vel møtt!

Årsmelding for 2023 finn du på lenka. 

Andre årsmøtedokument vert sendt ut til medlemmane på e-post via medlemsregisteret. Har du ikkje fått dei, kan du sende ein e-post til fung. leiar Karoline Bjerkeset på kab@sp.no, så får du dei tilsendt. 

I alt 50 løparar stilte opp på Kleivanerennet 2024. Stemnet var også KM for Sogn og Fjordane frå 13 år og oppover.

Det var fine forhold, med eit nysnølag som kom i natt, og til dels sol under arrangementet. 

Resultat frå rennet finn du her: SSF Cup Kleivanerennet 2024 (eqtiming.com)

På innetreninga har vi hatt treningsstemne i hopp u.t. , samt ordinær lengde. Her er resulta som vart oppnådde: 

Resultatlister frå dagens arrangement:

Trivselshalleikane - Resultat offisiell.pdf

(denne lista er oppdatert med rettingar søndag kl 12.30)

Tidsskjema for Trivselshalleikane i morgon finn du her:

Tidsskjema 2024.xlsx