Hei

På vegne av Gloppen Idrettsråd og leder av Fjellhug/Vereide IL minner jeg om og oppfordrer til å delta på Stormøte i Trivselshagen tirsdag 29.november.

Det er et viktig arbeid som er startet.

Jeg ber dere formidle og oppfordre til deres grupper om å delta og ikke minst trenere og medhjelpere dere har med dere.

Else Margrethe Larsen

Leiar i Gloppen Idrettsråd/ Leiar i Fjellhug/Vereide Il

Etter at vi stod over Trivselshall-leikane i januar i år, prøver vi til att 14. januar 2023.

Fjellhug/Vereide il, STIL og Brodd samarbeider om arrangementet, som kjem til å ha øvingane 60m, lengde, høgde og kule.

Stemnet vert for 8 år (f 2015) og eldre

Nytt av året er at alle må melde seg på via det nye påmeldingssystemet iSonen (SportsAdmin går ut frå 1.1.23)  Her MÅ deltakar, eller deltakarens lag, melde på, arrangøren kan ikkje gå inn med påmeldingar av deltakarar frå andre lag.  Dette er viktig at foreldre og lagleiarar/friidrettsgruppe-leiarar merkar seg.

Vi vil også arrangere stemnet i det nye Open Track-systemet, som har kome som erstatning for FriRes.  Så her er litt nytt å setje seg inn i for arrangøren.

Med den store deltakinga på friidrettstreningane i haust, trur vi det vert mange frå arrangørklubbane som vert med.  I tillegg plar Hyen, BBIL, Jølster, Førde og andre lag kome til Trivselshalleikane.

Leiaren i Fjellhug/Vereide il er ei mangslungen dame.  I tillegg til verv i div lag og organisasjonar, har ho i byrjinga av november, saman med mannnen Vidar, gjennomført New York Maraton. Gratulerer!

Ikkje verst å ha Fjellhug/Vereide il representert "over there"!  For nokre år sidan stod også Ingunn Vereide  på startstreken, og gjennomførde med glans.

På ekstraordinært årsmøte i Gloppen Idrettsråd vart leiar i Fjellhug/Vereide il, Else Margrethe Larsen, vald til ny leiar i GIR.  

Ho rykkjer dermed opp frå nestleiarvervet.  Else Margrethe har også hatt ein periode tidlegare som leiar i GIR, så det er såleis ein røynd idrettsleiar som no skal fronte all idrett i kommunen.

Idrettsråd (idrettsforbundet.no) 

Finn ditt idrettsråd (idrettsforbundet.no)

Fjellhug/Vereide-basaren i Gimle på søndag ga eit storfint resultat.  Omlag 55 000 kroner er igjen når utgiftene er betalt.

Tusen takk til alle som har kjøpt lodd og årar; vi er SO takkasame for at de støttar opp om Fjellhug/Vereide il!

Ein månad etter at vesle Fjellhug/Vereide il arrangerte NM Halvmaraton på Sandane, har inntrykka sige inn litt, og ein ser fram over til nye oppgåver for friidretten i Gloppen.

Vi hadde  frammifrå støttespelarar til NM-arrangementet.  Dei var viktige økonomisk, men også svært viktige for oss som arrangør, sidan denne gode støtta var med å annerkjenne arrangementet, og oss som tilskiparar.  Bygda var med!  

Difor er det ein sjølvsagd ting for oss i Fjellhug/Vereide il å minne om at når vi skal handle, har vi desse støttespelarane fremst i panna. Sjekk om ein kan gjere ein god og fornuftig handel lokalt før vi går til nokon meir fjerntliggane leverandørar!

Litt bilete som viser desse sponsorane i arrangementsområdet ved Idrettsplassen.

Sparebanken Sogn og Fjordane og Wattn side om side

Frydenbø med sin BYD Tang

Sogn og Fjordane Energi

Accountor - som til liks med dei andre erfarte at vinden bles feil veg...

BANO

Olav Hjelmeset AS

Intersport Sandane

Sirkeltreninga startar opp på Nordstranda skule mandag 31. oktober.  Treninga er kl 19.00 - 20.30

Alle er velkomne; både damer og herrar!

Heilårslisensen i friidrett er no tilgjengeleg.

Helårslisens for 2023 er nå tilgjengelig (friidrett.no)

NM Gloppen Halvmaraton vart ein flott dag for alle løparane som kom til Sandane.  252 var påmelde, nokre få stilte ikkje til start, men i alle fall rundt 225 starta på Idrettsplassen.  Med det fine oktoberveret (som vi alltid plar ha på dette arrangementet), vart dagen ei oppleving for deltakarar, publikum og arrangør.

Beste tid mellom herrane hadde Frew Zenebe Brkineh, Sandnes, med sluttida 1:06:35. Mellom kvinnene var det Adele Norheim Henriksen, Gular som hadde beste tid, med 1:16:46.

Lokale deltakarar stod også på startstreken. I NM-klassen var eks-GFILar Eigil Instebø, Førde langt framme, og totalt hadde han 23. beste tid (1.17,38). Tobias Fuglestrand hadde plasseringa bak Eigil, tid 1.18,33. Mathias Nesgård, Fjellhug/Vereide il var totalt nr 31.

Utflytt gloppar Asta Ellingvåg, Sp.kl Vidar vart nr 4 totalt mellom kvinnene, med den gode tida 1.22,23, medan Irene Svidal, Fjellhug/Vereide vart totalt nr 11, og nr 2 i klasse KV40-44, med tida 1.29,49  Her kan ein nemne at Johanna Ganc-Petersen, Fjellhug/Vereide stilte utanfor NM-klassen. Ho fekk tida 1.29,51, og ville fått ein suveren norgesmeistertittel  i KV45-49 om ho hadde meldt seg i NM-løpet.

Fjellhug/Vereide vil takke alle som var med å hjelpe til! :

- Drikkestasjonane, der Jens Christian Andenæs gjorde ein flott jobb, både med å skaffe mannskap, og alt det praktiske med bord, drikke og logistikk

- Trafikksikring, som hadde Kirsti Bjotveit som dyktig og sikker leiar.  Ho hadde eit stort mannskap som organiserte i vegkryssa langs løypa.  Tryggleik stod på topp i dette arrangementet, og den vart prima ivareteken. Olav Hjelmeset AS må også nemnast: Det var eit stort arbeid som måtte gjerast for å skilte om vegane på Sørstranda.

- Parkering og Arena:  Else Margrethe Larsen hadde ansvar for at stadionområdet skulle ta seg fint ut, og at reklamesegl og beachflagg skulle profilere sponsorane våre på best mogeleg måte. Ein viktig jobb, som vart godt løyst, både på arena og parkeringsplass.

- Kiosk:  Eli Evebø er ein person å lite på når det gjeld kiosk. Under halvmaraton-arrangementa er det forholdsvis lite sal, men kiosken må vere der.  Med sine to juniorar fiksa Eli jobben!

- EQ Timing og tidtaking var sett bort til Jølster il med Johnny Solheimsnes i spissen.  Med desse sunnfjordingane føler vi oss alltid trygge på at resultata kjem trygt på plass. 

-Dei viktigaste personane på eit friidrettsstemne kan ein nesten seie er speakerane.  Utan god informasjon om stilling i løypa og ved målpassering, blir stemnet mindre interessant. God jobb av Per Rune Vereide og Harald Slettvoll.

- Det er også mange andre funksjonar og arbeidsoppgåver på eit slikt arrangement. Backup-tidtaking med Svein Hauge i førarstolen, sekretariat med Margit Nyhammer og Karoline Bjerkeset, medaljeutdeling med Karoline Endal Husevåg i tet for dei bunadskledde jentene, Birger Berge i ledebilen, Kenneth Fure i følgjebilen, og mange fleire.  Funksjonærlista hadde omlag 60 namn, alle kan ikkje nemnast med namn her, men absolutt alle var like viktige!: TAKK TIL ALLE SAMAN!  Som kona til stemneleiaren sa det laurdag kveld, etter at alt var unnagjort: "Det er litt av ein kjempeflott gjeng vi har som funksjonærar". Stemneleiaren var fullstendig samd!

Takk også til dei som ikkje er så direkte knytta til friidretten, men som var med å hjelpte til: Gloppen Janitsjar, leiar i Vestland Idrettskrets Nils R Sandal, Gloppen Røde Kors Hjelpekorps, teknikar Geir Inge Tystad, Accountor som stilte med 5 funksjonærar ekstra, Sverre Nesdal Aske (snekkarhjelp) , Vidar Nyhammer (foto), jurymedlemene Reidar Moldestad og Gunnar Hole frå Breimsbygda.

Vi må også få takke Gloppen Kommune!  Dei har lagt seg i selen og gjort mykje for at Idrettsplassen og området rundt STIL-stova skulle vere mest mogeleg presentabelt. Godt jobba!  Vidare har dagleg leiar i Sogn og Fjordane Friidrettskrins, Asgeir Årdal, vore svært hjelpsam med førearbeid til NM Gloppen Halvmaraton.

Ikkje minst går ei stor takk til sponsorar og samarbeidspartnarar!  Utan støtte frå det lokale næringslivet trur eg ikkje at vi kunne teke på oss eit stemne av NM-storleik! Store og litt mindre store sponsorar har vore gode å ha i ryggen.  Sparebanken Sogn og Fjordane, Sogn og Fjordane Energi (SFE), Frydenbø, Accountor, Wattn, BANO og Olav Helmeset AS, er tungvektarane i støtta, men uvurderlig støtte har vi også fått frå NOMIL, Sande Settefisk, Gloppen Hotell, Repix, Coop Extra, Ramirent, Påldtun, samt gåvepremiar frå Tystad Fruktgard, Jon Slagstad, Sølvane Gard, Gardsbrenneriet, og Olav Aabrekk (Gloppahytta).

Til slutt nokre ord om medaljeutdelinga, som fekk litt pepar, i alle fall i Kondis.no.  Vi var ikkje obs nok på at det er ein praksis på at det er dei totalt tre beste løparane i kvinner og menn som skal ha NM-medaljene.  Vi delte nok ut medaljer etter litt gamal vane, med gull, sølv og bronse til juniorane, det same til seniorklassen, og til veteranane.  Det finst, etter det vi i ettertid har erfart, ein regel om at i maratonmeisterskapa går dei gjevaste NM-medaljene til dei med best tid, uansett klasse.

Vi har beklaga til dei som ikkje fekk dei medaljene dei skulle ha der og då, og har sjølvsagt lova at vi skal rette det opp ved å bestille inn deira rettmessige medaljer. Vi håpar og trur vi får tilgjeving, og at dei kjem att ved neste korsveg!

Og heilt til slutt:  Stemneleiaren vil takke dei to andre i hovudkommiteen for god jobb og flott samarbeid! Utan Ingrid Gimmestad (nestleiar) og Harald Slettvoll hadde dette NM-arrangementet ikkje vorte så bra som det vart!

                                                                 Dagfinn Nyhammer; stemneleiar

Kjekt 100-årsjubileum for Sogn og Fjordane FIK på laurdag kveld, der m.a. tidlegare leiarar var påskjøna. T.v. Håkon Lundestad, Fjellhug/Vereide il, som var leiar 1971-1974

Dagfinn og Margit Nyhammer, Birger Berge og Håkon Lundestad representerte Fjellhug/Vereide il

Velledalen il er i år representert med heile 17 deltakarar.  Her er tre som var med i fjor

Heile 221 løparar har innan påmeldingsfristen meldt sin ankomst til NM Gloppen Halvmaraton laurdag 1. oktober.

Dette er gledeleg mange, og som arrangør har vi nådd måltalet vårt på minst 200.  Det er framleis teknisk mogeleg å melde seg på, men startkontingenten stig etter kvart som tida for start nærmar seg, så vi trur nok at det ikkje vert så mange som kjem i tillegg til dei 221 som var noterte tirsdag kveld.

 Det blir eit kjempeflott arrangement, tenkjer vi, med eit mylder av folk langs FV615.  No står det berre igjen å krysse fingrar for "godt og tjeneleg ver"!

Ragnhild frå Sandane i fint driv over Storebrua i fjorårets halvmaraton

    Informasjon Gloppen Halvmaraton 2022

• Det vert ingen spesielle Covid-19-reglar i år.  Men generelt gjeld likevel at ein tek omsyn, og ikkje stiller opp om ein har mistanke om at ein kan vere korona-smitta.

• Parkering: Ved Trivselshallen (tilkomst Gotavegen v/ Bunnpris).  Også parkering i sentrum. Det blir ikkje lov å parkere i start/målområdet.   Skilt og parkeringsrettleiar ved Bunnpris

• Start, mål og sekretariat vert ved STIL-stova, som ligg ved Idrettsplassen i sentrum (Firdavegen)

• Garderobar med toalett finn du i Trivselshallen (100 m frå Idrettsplassen).  Garderobe nr 6 er for menn, garderobe nr 5 for kvinner.  Der er også toalett i STIL-stova, kjellaretasjen, og 2. etg

• Påmelding:  Alle skal vere påmelde innan fristen.  Startnummer m/brikkerog nåler er pakka i konvolutt som vert utdelt i sekretariatet før start.  Sekretariatet er ope frå kl 10.00.  Startliste med nummer ligg også på EQTiming NM/Gloppen Halvmaraton/NM Halvmaraton 2022 (eqtiming.com)

• Start: 
  1. Kl 13.00 for dei som ønskjer å starte tidleg, eller har oppgjeve eit antatt sluttid på + - 2 timar
  2. Kl 14.00:  Hovudstart (fellesstart)

• Løypa:  Starten: Løypa går i Firdavegen, ned mot krysset til FV615. Ledebil framfor hovudfeltet.
  1. Tilbake mot mål:   Ein følgjer gata tilbake, i krysset ved Intersport.   Det er ikkje lov å kutte inn mot hjørnet av bygget, slik ein har kunna gjort tidlegare år.
  2. Løypa er kontrollmålt i haust , og er sertifisert nasjonalt og internasjonalt.

• Startnummer:  1 – 100 for tidleg-startande, 101 og oppover for hovudfeltet. Dei som stiller i NM-klassen har svarte siffer, dei som stiller utanfor NM har raude siffer.  Det vert også «startnummer» som viser klasse, det skal festast på ryggen.

• Premiering: 
  1. NM-medaljer i junior-, senior- og veteranklassane
  2. Premie til beste tid i kvar klasse, i eller utanfor NM Halvmaraton 
  3. Premie til beste dame- og herre-tid
  4. Premiar uttrakt på startnummer, m.a. overnatting/middag for 2 personar på Gloppen Hotell

• Resultat:  Tidtaking er elektronisk, med brikke i startnummeret. Resultata vert slått opp så snart dei er klare, og også lagt ut på heimesida same kveld http://www.fjellhugvereide.no/p/22449/gloppen-halvmaraton  Vi har mellomtid for 7 og 14 km.

• Drikkestasjonar: I løypa: Etter ca 7, 10 og 14 km, og i mål.   Eigne drikkeflasker kan leverast inn, må merkast, og blir tekne med til stasjonen på Rygg (7/14 km) der dei blir plassert på eige bord. Løparens eige ansvar å finne flaska si!

• Kiosk:  Enkelt utval av drikke, mat og sjokolade.  Vi vil elles anbefale kafear på Sandane og omegn, som gode stader å få seg mat. Lauget Kultur og Kafe,  Vafleriet, Fjæra Mat,  Gloppen Hotell, Bakaren , Mona Lisa 

• VIKTIG: Der er sett restriksjonar på biltrafikken i løypa, men det vil i enkelte deler vere trafikk.  VER DIFOR OBSERVANT PÅ TRAFIKKBILETET UNDERVEGS.  SJØLV OM DET KØYRER LEDEBIL FRAMFOR DEI FREMSTE, ER AVSTANDANE STORE TIL DEI SOM KJEM BAK.

Før siste Gloppe-Trim-kveld om ei lita veke, ser deltakinga i år slik ut

Alle desse sprang på tid i går kveld, eit flott knippe idrettsfolk!

 52 frammøtte på Gloppe-Trimmen i går kveld, som var den nest siste i år.  Neste onsdag er det avslutning og premieutdeling,

Arild Horntvedt hadde beste tid mellom dei som sprang 4 km, og May Britt Sægrov vann flaxlodda.

I skrivande stund er 126 påmelde til NM Gloppen Halvmaraton.  Med knappe to veker før påmeldingsfristen går ut (20. september), trur vi nok at deltakartalet vil nærme seg 200.  Erfaringsmessig kjem dei fleste påmeldingane dei siste fjorten dagane.

Påmeldingslink: NM/Gloppen Halvmaraton/NM Halvmaraton 2022 (eqtiming.com)

Mange lokale er allereie påmelde, men vi håpar at enno fleire vil nytte høvet å få med seg ein NM-start.  Det må no vere stas!

Her er beviset for at Gloppen Halvmaraton si løype er kontrollert og godkjent, og klar for å setjast rekordar i, om vi får nokre sterke løparar på startstreken!

 I mangel av bilete frå i kveld, kan vi bruke eit frå 2009, og Gloppe-Trim nr 1, første løpet 29. april det året.  Så kan jo nokon sjå om dei kjenner seg igjen...

Litt færre med i kveld.  No er det 34 som vil få premiering, dersom dei som no har minst 6 gonger er med på dei to siste trimkveldane.  Så har vi ein litt mindre gjeng som kan knivast om gåvekortet på kr. 2.000,- frå Intersport, då må ein ha vore med minst 10 gonger.

Kveldens vinnar av flax-lodd vart Solveig Berg Horntvedt.

Idrettsmerke 2022
 Møt opp ved gamle Vereide skule måndag 12.sept.  kl 18:00

 Styrke,spenst og hurtigheit gjennomførast ved skulen. 

Ta med sykkel for gjennomføring av uthald.

Trimgruppa Fj/V
 

Årets Lerøyleikar er historie, og dei vart veldig vellykka. Flott ver, flinke 13- og 14-åringar, og veldig god arrangør sytte for at dette går inn mellom dei betre stemna på Byrkjelo.  Breimsbygda var ansvarleg arrangør, men hadde god hjelp av funksjonærar frå Jølster, Hyen, Fjellhug/Vereide, STIL og Brodd.

Lerøyleikane fokuserer på at dette er ein lagkamp, med alt det sosiale ein slik konkurranse tek med seg både på bana og utanfor.  Ei slik samling blir nok av mange hugsa som eit høgdepunkt i idrettslivet.

Kompett resultatliste LERØY-leikane Byrkjelo.pdf

https://data.opentrack.run/en-gb/x/2022/NOR/leroyvestl/ 

(Open Track er eit web/nettbasert arrangement- og resultatsystem som blir teke meir og meir i bruk, og vil på litt sikt truleg erstatte FriRes, som vi er godt kjende med i friidretten.  Gå gjerne inn og gjer deg kjend med sida)

Mange hugsar sikkert idrettsmerka som vi fekk m.a. i barneskulen.  Slike merke finst framleis, og over ser du "krava" til det enkelte merke.

Vi har stort sett 10-åringar som går på trening, og er med på stemne, og alle som har vore med av desse i år, har greitt merke i bronse, sølv eller gull i fleire øvingar.

Desse merka går med dei same krava heilt til ein er 13 år, så ein 10-11-åring har gode sjansar på både gull, sølv eller bronse, sjølv om han/ho ikje har nådd krava enno.

Er det interesse for desse fine merka, kan friidrettsgruppa bestille inn!

https://www.friidrett.no/globalassets/barn-og-ungdom/merker-knapper-og-kravkort/kravkort-barneskolen-2018.png

Biletet er frå 60 m g/menn alle klassar

Nær 30 deltakarar møtte fram på seriestemnet på Byrkjelo i går kveld.  Vindstille, god temperatur, og ørlite yr, gav gode forhold.

Her er namn og resultat for dei som var med:

Seriestemne i friidrett på Byrkjelo Stadion

Torsdag 2. juni 2022 – Arrangør: Fjellhug/Vereide il

 57 frammøtte i kveld, noko som er toppnotering for 2022

Det har heldigvis ikkje vore meldt mange forfall til funksjonærlista som vart sendt ut til alle for ei tid tilbake.

No har vi ajourført den, og reknar med at den er meir eller mindre endeleg.  Kirsti Bjotveit og Else Margrethe Larsen har eigne lister for sine ansvarsområde.

Funksjonærliste-2022 ajourført.docx

Gledeleg mange som stilte opp for å prøve seg mot stoppeklokka.

To langvegsfarande debutantar frå Bodø, med slekt i Gloppen, stilte opp, og kom flott gjennom Buktaløypene.  Dei hadde også god lyst til å melde seg på NM/Gloppen Halvmaraton 1. august.

Mange på startstreken i kvelv.  Gledeleg at så mange har lyst å springe mot seg sjølv og stoppeklokka!

                                                                    (foto: Irene Svidal)

Simen Elvestrand og Rita Solheim var på ferie i Gloppen, og nytta høvet til å få seg ein fin fartstur i Bukta.  Dei bur vanlegvis i Bodø.

                                                        (foto: Irene Svidal)

Mathias med sterk 4.plass i det internasjonale Stranda Fjord Trail Race som gikk av stabelen i helga.

Sverre Nesdal Aske deltok også, ilag med en del andre gloppere også; Ørjan Brunstad, Irene Svindal, Trude Eimhjellen, Arild Horntvedt, Torbjørn Brandsæter og Lars Otto Alme. Torbjørn kom på 3.plass i 48K km!!! Ørjan på 6.plass på samme distanse. 

Resten av gjengen løp 25K distansen.  Irene og Trude gjorde også solide løp.  Det var svært krevende forholde med sleipt og gjørmete føre. Men det var flere som persa seg tidsmessig i forhold til i fjor.

https://live.eqtiming.com/58214#result 

https://strandafjordtrailrace.com/ 

Fjellhug/Vereide il har no sett opp funksjonærliste for NM/ Gloppen Halvmaraton (Det vil seinare bli laga eiga liste for vakthald ved løypa, pluss liste for parkering og oppsetting av reklame/arena-funksjonærar). 

Vi ønskjer å ha ein god stab med funksjonærar, ut frå at det er betre med to for mange enn ein for lite. Eit NM er eit "prestisje-arrangement", der vi må gjere alt vi kan for at det skal vere prikkfritt.  Det greier vi med tilstrekkeleg bemanning, og gode funksjonærar.  

Ved dette arrangementet har leiarane fått sjølvstendige oppgåver, noko som har letta mykje på førebuingsarbeidet, og dei har gjort ein svært god jobb så langt, noko som eg er sikker på vil vare til over meisterskapen.  Friidrettsgruppa er svært takksame for alle som stiller opp, og med godt humør :-)  !

Funksjonærliste 2022.docx

Vi har ein del gåvepremiar som vi har trekt mellom trimmarar og funksjonærar på Svinestranda Opp. Vinnarar vart:

1.  Stor bag:    Jon Slagstad

2. Belte laga av klatretau, frå Upscale:  May Britt Sægrov

3.  Bag + termos, gjeven av Accountor:  Marit Myklebust

4.  Ryggsekk frå SSF:  Oddgeir Leirgul

5. Hue Friidrett:  Lilly Svidal Sande

6. Hue Friidrett: Tuva Øygard

7.  Hue Friidrett: Sivert Gloppestad

8.  Liten barnesekk:  Live van Duinen

9.  Liten barnesekk:  Ane Svidal Sande

Ein del bilete frå Svinestranda Opp i dag.

Vi hadde ein fotofraf i sving ute i løypa, så her kjem nok meir bilete seinare..

Gallery (fjellhugvereide.no)  

Med 31 førehandspåmelde løparar vart det ikkje noko rekordfelt frå Sandane mot Svinestrandstoppen.

Likevel; det vart ein fin dag for funksjonærar, trimmarar og konkurranseløparar.  I år debuterte vi med elektronisk tidtakarsystem, noko som har vore etterspurt lenge. Vi har vel vore rekna som nokre sinkar i arrangørklassen så langt. EQ Timing virka greitt, bortsett frå at vi i oppsettet hadde gjort ein feil som gjorde at tidene ikkje gjekk direkte ut på nettet.

Asgeir Årdal i SFFIK ordna opp i dette raskt, og før deltakarane var komne ned igjen til Austrheimsstølen for premieutdeling, låg resultata på nettet. Neste gong skal vi greie dette 100%!

Geir Steig frå Luster vart vinnar i herreklassen, og hadde best tid av samtlege. Tida hans var 52,23. Beste tid i dameklassen hadde Charlotte Watson, Varegg med tida 66,32.  Begge desse hadde delteke på Storehesten Opp i går, så det går fint med to tøffe løp på to dagar!

14 år og yngre starta på Austrheimsstøylen, og her stilte 9 deltakarar i ulike aldrar opp.  13-åringen Maria Klakegg frå Jølster var einaste jente, og fekk også beste tid, med sine 28,38. Ei god tid på den lettbeinte jølsterjenta!

Resultat frå Svinestranda Opp 2022:

Vi har laga ei lita liste over konkrete arbeidsoppgåver til ein del av funksjonærane:

Svinestranda Opp 2022:    Alle møter i god tid!

Ei knapp veke før Svinestranda Opp, er det skuffande dårleg påmelding. I underkant av 20 løparar har meldt seg på.  I fjor deltok godt og vel 60 på løpet.

- Vi veit ikkje heilt kvifor, seier leiar i friidrettsgruppa Dagfinn Nyhammer. Vi tenkte ei stund at kollisjon med Storehesten Opp i Bygstad, som er eit meir kjent og profilert arrangement, og som går laurdag, kunne vere grunnen.  Men vi ser at også dei har dårleg påmelding, berre 21 stk. pr i dag, så det er kanskje ikkje hovudforklaringa.  

Påmeldingsfristen gjekk eigentleg ut søndag kveld, men vi har opna for påmelding utover i veka. Påmeldingslinken er denne: Svinestranda Opp (eqtiming.com)   Her er m.a. fine pengepremiar å vinne for dei fire raskaste til topps både i herre og dameklassen, i tillegg til premie til klassevinnarane.

Trimmarane bør også nytte søndagen til ein fjelltur.  Her ligg også premiering i potten til desse, i tillegg til at ein tur i seg sjølv er premiering for kropp og sjel.  Trimdeltakarane er med på trekking av ein premie på kr. 1000, som vert trekt mellom konkurranseløparar, trimmarar og funksjonærar.

Fjellhug/Vereide il håpar at mange dei komande to-tre dagane hiv seg rundt og vil delta på Svinestranda Opp.  Det blir brukt mange timar til førebuing og arrangering, og utan ei brukbar deltaking, heng arrangementet i ein tynn tråd i framtida.

Men som Helge Kårstad i Storehesten Opp sa på telefonen i går kveld: - I år blir det løp, om der er 1 eller 1000 deltakarar.  Slik tenkjer også vi.  I år..

Siste trimkveld i Bukta før sommarferien.  55 frammøtte på Gloppe-Trimmen, og eit flott felt i klassen for tidtaking.  Her er dei som var med:

Funksjonærar Svinestranda Opp 2022

Søndag 26. juni, Start i Firdavegen kl 12.00

ved Vereide Bakeri utsal.

60+ startar 11.30.  

14 år og yngre startar kl 12 (Austrh.støylen)

Leiar:                                   Dagfinn Nyhammer; 

Startområdet:                     Margit Nyhammer, Marit Myklebust Hauge 

Austrheimsstølen               :      Harald Slettvoll (leiar), Kjell Jørgen Slettvoll, Morten Leirgul, 

Trimregistrering frå kl 10.30:      Trimgruppa:, Dag Apalset,(organiserer), Dagfinn Slagstad, Olav Arne Vereide

 Speaker:                               Harald Slettvoll

 Ansvarleg Austreimstølen: Telt med meir+ rydding: Odd Bjarne Tveit (leiar). Harald Slettvoll 

 Premiering:                        Dagfinn Nyhammer

 Startar:                                Sentrum: Arne Klakegg (tlf.kontakt til toppen)

                                               Austrheimsstøylen:, Kjell Jørgen Slettvoll

Tidtking Austrheimst.:   Kjell Jørgen Slettvoll(leiar), Morten Leirgul

TidtakingSvinestranda:  Mariann Skaaden(leiar), Kristian Skaaden, Geir Skåden

                                               Svein Hauge (EQtiming-stasjon)

 Saft/vatn:                             Leiar: Birger Berge

                                             Fossen/Vegen: Jon Solheim, Per Engeseth

                                               Austr.stølen:    Birger Berge (leiar) Arne Nesgård

                                               Grønebakkane:  Elling Hauge, Øystein Fjellestad

                                               Svinestranda:  Hans Arne Lundestad +

Vakter:                                Sandane /E39 Arild Nes (Leiar) Jon Slagstad, 

                                               Frode Fjellestad, Elling Fjellestad.

                                            Holvikfossen: Oddgeir Leirgul,  

                                               Austr.stølen, Parkering: Terje Solheim, Rune Fjellestad, 

Foto:                                     Vidar Nyhammer                 

 Bompengar:                        Vegard Engeset                   

 Løype:                                  Merking: Kennet Fure

 Kiosk:                                   Økonominemnda v/ Roger Sunde Andenæs

 Straum  agregat:                Leidulf Gloppestad/ Ståle Austrheim

Opprydding etter starten i sentrum:  Arne Klakegg/Marit Myklebust Hauge

Utlevering av premiar m.m. i sentrum etter løpet: Margit Nyhammer

SFE-Portal ved start.     Kjell Arne Bakketun, Vidar Føleide                

Dersom problem, ta kontakt med Dagfinn Nyhammer snarast. tlf. 41227968 

Praktisk info:

Berre  ei og ei halv veke til Svinestranda Opp; håpar de er klare!  Dette er berre ei lita påminning, med ei oppdatert funksjonærliste, og litt praktisk orientering.  

Det er førebels lita påmelding, men det er frå no, og ei veke framover dei brukar å kome.  Med Storehesten Opp på laurdag, kan det godt hende at det blir ei tynnare deltaking i år enn vi er vane med.

Rigging på støylen:  Kan Odd Bjarne, Birger, og Kjell Jørgen vere med på fredag kveld kl 18.00 å køyre opp det som skal til (telt, bord…)

Før stemnet søndag:  Odd Bjarne, Harald, Kjell Jørgen og Morten riggar til i god tid.  Ta i mot evt. etterpåmeldingar av dei som skal starte frå støylen.  Meld frå på mobil eller radio til sekretariate v/ Margit, slik at vi får dei inn i EQtiming tidtakarsystem.  Kjell Jørgen får dei på startstreken, slik at dei startar når startskotet går på Sandane: Presis kl 12.00.

 Speaker:  I Per Rune sitt fråvær, håpar eg at Harald tek seg av speakertenesta.  Ikkje så mykje å gjere som speaker, før løparane byrjar å passere.

 Tidtaking mål:  Her har vi i år EQtiming, som Svein H. er ansvarleg for. Likevel må vi ha back-up, og Mariann har kontroll på dette.  Reknar med at ho har med seg Kristian og Geir, og ein av dei kan hjelpe Hans Arne med saftlanging.

Tidtaking mellomtid Austrheimsstøylen:  Morten og Kjell Jørgen nyttar appen EQtiming, og registrerer mellomtider  (PS: Der er bra 4G dekning ved passeringspunktet, etter det eg fann ut).  Dersom det ikkje er god nok dekning, registrerer vi tider manuelt, på «gamlemåten. Det er mogeleg vi får hjelp av Arild Horntvedt til dette også

 Drikkestasjonar:  Birger har ansvar, og kontrollerer at dei oppsette er klare til å møte opp.  

 Vakter:  Arild Nes kontrollerer at vaktene møter opp

 Premiering:  Den vil vere på støylen ca kl 14.45-1500.  Premie til klassevinnarane er kortreiste produkt (gåvepakning) frå Gloppen.  For at ikkje løparane skal få for mykje å bere nedatt frå fjellet, blir desse premiane utdelt på stemnekontoret i sentrum, når løparane kjem ned att. Margit N. ordnar med dette, og ho låser også opp garderobane i STILstova til løparane er nede igjen.

 Merk også at funksjonærane er med i trekking om ein premie på kr. 1000,-, saman med trimmarar og løparar.

Vi håpar også at funksjonærane er velvillige til å ta med seg løparar som ønskjer transport etter løpet.

Til slutt: Fleire funksjonærar er oppsett med litt dobbeltroller, men ikkje verre enn at det skal gå an å handtere:

Vi håpar på ein fin dag på fjellet, med den gode ramma som Austrheimsstøylen skaper etter løpet!

Mvh

Dagfinn Nyhammer

Leiar Fjellhug/Vereide il, friidrett

Mobil 412 27 968

Epost

dagfinn.nyhammer@enivest.net

Mathias Nesgård er ein ivrig motbakkeløpar, og det er veldig kjekt for oss i Fjellhug/Vereide il at han er med så mykje, og at han får fine resultat.  Vi har fått denne oppstillinga over deltaking og resultat så langt i år:

• 1. plass Storehaugen opp som klassevinner. Løpet gikk av stabelen Kristi Himmelfartshelg og han ble nr 15 av totalt 62 i konkurranseklassen. 
• 1. plass i klassen 20 år og yngre Storehornet opp (Godøya), 2. plass totalt av 33 deltagere. 29.mai var løpsdatoen
• 1. plass i Bergen fjellmaraton i klassen 18-19 år og 20. plass totalt.
• 1. plass i klasse 18-19 år i Hovlandsnuten opp i Sauda. 25.plass av 86 i konkurranseklassen
• Her er noen bilder fra løpene:

                                                                  Reportasje i Bergens Tidende

                                                                 Hovlandsnuten opp

                                                        Storehornet Opp

SVINESTRANDA OPP SØNDAG 26. JUNI:

Trimmarane får også sjølvsagt tilbod når vi arrangerer Svinestranda Opp.  Dei kan bruke den tida dei vil, og området egnar seg godt for familietrim, slik tre generasjonar Sægrov-Djupvik viser under fjorårets arrangement!

Trimmarane har 3 alternativ, der alle registrerer seg på Austrheimsstøylen, før eller etter turen.

Alternativ I: Ta turen frå sentrum, gjennom Trivselsskogen, og til Austrheimsstøylen.  Registrer deg når du kjem opp.

Alternativ II:  Ta turen frå Austrheimsstøylen til toppen av Svinestranda.  Registrer deg på Austrheimsstøylen.

Alternativ III: Køyr opp på Kleivane, der er det enkelt og greitt å parkere, og ta turen til fots til Austrheimsstøylen.  Registrer deg der som trimmar!  Er du litt sprek, så kan du halde fram turen til Svinestranda.

Alt dette gjev deg sjanse til å vinne ein pengepremie på kr. 1000,-, som vert trekt mellom alle som deltek på Svinestranda Opp (konkurranseløparar, trimmarar og funksjonærar).  Einaste vilkår:  Du må vere på Austrheimsstøylen når vi trekkje premien, ein gong mellom kl. 14.30 og 15.30.  Der er også nokre gåvepremiar som vi trekkjer mellom trimmarane.

Startpengar:  kr 50,-.  Familie (foreldre + born under 14 år, eller besteforeldre + barneborn under 14 år) kr. 100.

Og:  REGISTRER DEG PÅ AUSTRHEIMSSTØYLEN HOS TRIMGRUPPA V/ DAG APALSET :-) 

Ikkje lenge til motbakkeløpet Svinestranda Opp - søndag 26. juni går starten i sentrum på Sandane.

Meld deg på via EQ-timing, her er linken: Svinestranda Opp (eqtiming.com) 

Svinestranda Opp-t-skjorter til dei 10 første som melder seg på!

 Ikkje så mange på Gloppe-Trimmn i kveld, kanskje var det for fint ver?  

                   Fin BBIL-gjeng som var med på seriestemnet i kveld.  Foto  Reidar Moldestad

Seriestemne i friidrett på Byrkjelo Stadion

Torsdag 2. juni 2022 – Arrangør: Fjellhug/Vereide il

 Kveldens gjeng, som skal ut på 2 eller 4 km.  Ulrik og Markus imponerte på 2-kilometeren i dag, og kom for første gong under 8 minutt.  Veldig gode tider!  

Baard Raknes, som var ein tilreisande gjest frå Osterøy (bak til høgre i svart treningsdrakt), imponerte også både seg sjølv og oss andre, med tida 14.56.  Han var med for eit par år sidan, og hadde begge gongane han har delteke tida 15.06.  Som han sjølv sa etter målgang: - Dette var bra av ein som er over 40!

(Dei med tider under 14 minutt har sprunge 2 km, dei med over 14 minutt har sprunge 4 km)

Vi håpar mange vil stille på seriestemnet på Byrkjelo torsdag 2. juni kl 18.00.

Øvingar, tidsskjema og funksjonærar står på plakaten over.

Bana er under restaurering, så lengde får vi ikkje ha.  Indre bane er også under arbeid, så dermed må vi tilpasse oss dette.

Ver ute i god tid med å melde deg på, det gjer du ved å skrive på startkort som ligg på tribna.  Fint om laga sender førehandsmelding til underteikna på epost dagfinn.nyhammer@enivest.net eller mobil 41227968 om deltakarar, då kan vi ha startkorta klare, og spare tid.  Startkorta må vere påskrivne før kl 17.45.

Denne gongen skal vi også nytte dei nyutdanna dommarane frå dommarkurset i mars. Dei må ha nokre røynde med seg, men vi har ikkje bruk for så mange av dei vi vanlegvis brukar, dersom vi ikkje får for mange forfall.

Velkomne til årets første banestemne på Byrkjelo!

 Historisk bilete frå 29. april 2009, sikkert den aller første Gloppe-Trimmen.  Atle er på plass som alltid, vidare ser vi Jan Ivar Rise, Nils Ove Roset og Ivar Brun, som ser ut til å orientere seg på løypekartet. Jorunn Forthun og Ragnhild Eimhjellen er også klare til dyst. Av den yngre garde er det kanskje Ingrid Hjelle Roset (nr. 2 framme, og Håvard Bergheim Holvik (nr 5, som ein kjenner igjen..

Namn og resultat frå i går kveld: 

Mannskapslista for Svinestranda Opp.  Vi har stammen frå tidlegare arrangement, noko som er bra å ha, då alle kjenner godt til oppgåvene sine.

Nytt av året er at vi brukar EQ-timing for påmelding og tidtaking.  Sjølv om dette er påliteleg teknikk, må vi ha back-up i tidtakinga i tilfelle noko sviktar.  Difor tidtakarar på Austrheimsstøylen og toppen.

Funksjonærar Svinestranda Opp 2022

Søndag 26. juni, Start i Firdavegen kl 12.00

ved Vereide Bakeri, utsal.

Funksjonærane må møte i god tid.  Leiarane sjekkar at dei har mannskapet klart

60+ startar 11.30.  14 år og yngre startar kl 12 (Austrh.støylen)

Leiar:                                     Dagfinn Nyhammar; 

Startområdet:                      Margit Nyhammer, Marit Myklebust Hauge 

Austrheimsstølen :               Harald Slettvoll (leiar), Kjell Jørgen Slettvoll,  Morten Leirgul, 

Trimregistrering:                  Trimgruppa:, Dag Apalset + 1

Speaker:                               

Ansvarleg Austreimstølen: Telt med meir+ rydding: Odd Bjarne Tveit (leiar). Harald Slettvoll 

Premiering:                        Dagfinn Nyhammer

Startar:                                Sentrum: Arne Klakegg (tlf.kontakt til toppen)

                                               Austrheimsstøylen: Jonfinn Aske , Kjell Jørgen Slettvoll

Tidtking                               

Austrh.støylen:                  Kjell Jørgen Slettvoll (leiar), Kirsti Bjotveit, Morten Leirgul, 

Svinestranda:                     Mariann Skaaden(leiar), Kristian Skaaden, Geir Skåden

                                               Svein Hauge (EQtiming-stasjon)

Saft/vatn:                            Birger Berge (leiar)

                                             Fossen/Vegen: Jon Solheim, Per Engeseth

                                               Austr.stølen:    Jonfinn Aske,    Birger Berge

                                               Grønebakkane:  Elling Hauge, Øystein Fjellestad

                                               Svinestranda:  Hans Arne Lundestad +

Vakter:                                Sandane /E39 Arild Nes (Leiar) Jon Slagstad, 

                                               Frode Fjellestad, Elling Fjellestad.

                                             Holvikfossen: Oddgeir Leirgul,  

                Austr.stølen, Parkering:       Terje Solheim, Rune Fjellestad, 

Transport:

Foto:                                     Vidar Nyhammer                 

Bompengar:                        Vegard Engeset                   

Løype:                                  Merking: Kennet Fure

Kiosk:                                   Økonominemnda v/ Roger Sunde Andenæs

Straum  agregat:                Leidulf Gloppestad/ Ståle Austrheim

Litt opprydding etter starten i sentrum:  Arne Klakegg/Marit Myklebust Hauge

SFE-Portal ved start.     Kjell Arne Bakketun, Vidar Føleide                

Håpar dei som er sett opp kan vere med.  MØT FRAM I GOD TID!  Leiarane sjekkar ut at deira funksjonærar er klare.  Håpar at flest mogeleg er med og ryddar opp etter løpet.

Dersom problem, ta kontakt med Dagfinn Nyhammer snarast. tlf. 41227968 

NM/Gloppen Halvmaraton 2022 har gleda av å presentere laget som hjelper Fjellhug/Vereide il med det store og flotte arrangementet vi skal ha i Gloppen 1. oktober.

Sparebanken Sogn og Fjordane er ein stor bidragsytar for frivilleg arbeid i Gloppen. Gjennom Sparebankstiftinga går titals millionar ut til gode formål.

SFE har truleg storparten av glopparane på kundelista, og er eit selskap som yter mykje tilbake i form av sponsorat og gåver til lokale organisasjonar.

Frydenbø Bil er lokalisert i Gloppen, og er først og fremst kjend for Volvo-modellane.  Men fleire merke står på listene deira, f.eks el-bilen BYD Tang. Også Nissan og Maxus får du hos bilseljarane i Mona.

BANO er ei velrennomert bedrift, med hovudproduktet baderomsinstallasjonar for institusjonar. Det er ei kompetansebedrift, med spanande arbeidsplassar. 

Accountor er eit stort rekneskapskonsern, med lokalt nærvær.  Staben på Sandane tel mange tilsette, og er ein viktig arbeidsplass. Accountor tek på seg store og små oppdrag 

NOMIL er nordfjordingane sitt renovasjonsselskap, som tek i mot alt du vil bli kvitt.  Hovudmottaket er lokalisert i Eidsmona i Gloppen.

Olav Hjelmeset AS er største entreprenørfirmaet i Gloppen, og er Fjellhug/Vereide il sin hovudsponsor

Sande Settefisk as er lokalisert på Sørstranda.  Dei er no inne i ein utviklingsfase, med m.a. bygging av store lokale ved settefiskanlegget på Rygg.  I samarbeid med Hyen Fisk og Nordfjord Laks

Ramirent har vore med og hjelpt oss med arrangementet i fleire år.   

 Desse sprekingane sprang 2 km (Ulrik sprang 4 km): Mari Sægrov Djupvik, Vetle Roth-Andenæs, Abel Senema, Ulrik Sægrov Øygard og Markus Berg Horntvedt.

                                   Illustrasjonsbilete; det var heilt andre vertilhøve i Bukta i kveld!

 49 deltakarar på Gloppe-Trimmen i kveld, noko som var svært bra det dårlege veret teke i betraktning. Regnet ausa ned, og temperaturen var heller ikkje mykje å skrite av.

Helselaget hadde sin årlege hjartemarsj, så dermed fekk Gloppe-Trimmen registrert nokre som elles kanskje ikkje er der.  Vi håpar dei fekk meirsmak, og kjem igjen.

Vinnar av kveldspremien, 3 flax-lodd, vart Pål-Asbjørn Underthun

Frydenbø er ein av hovudsponsorane for NM/Gloppen Halvmaraton 2022.  Odd Bjørn Hjelmeset er kanskje deltakar.

Då var det svært naturleg å ta ein liten fotoseanse på Frydenbø i Mona, der sjefen, Jo Inge Solberg og Odd Bjørn poserer med flaggskipet mellom elbilane i stallen:  BYD Tang

Frydenbø Bil Sandane  og Jo Inge har ein god filosofi overfor lag og organisasjonar som jobbar med born og ungdom: Å vere med å støtte friviljug innsats i bygda er ein positiv ting, som er vinn-vinn for begge partar. Dette set vi i idretten stor pris på!

Odd Bjørn fylte nett 50 år, og Fjellhug/Vereide il viste han litt merksemd ved å invitere han til haustens halvmaraton, der han skulle ha ein god sjanse til å bli noregsmeister i sin klasse.  Han fekk seg også ei Fjellhug/Vereide t-skjorte med 50 på ryggen, ein rygg som vi glopparane reknar med han viser konkurrentane.

Takk til Frydenbø Bil for sponsorstøtte, og vil du lese meir om el-bilen BYD Tang, er det berre å følgje linken.

Vi startar opp med friidrettstreningar tysdag 10. mai kl 17.30, ved løpebana på Vereide.

Treningsgruppa vert frå 2. - 6. klasse (8-12 år)

Vi håpar det vert god oppslutning om tilbodet vårt, slik at vi kan ha det fram til skuleferien.  Vi skal også prøve å få til ei trening eller to på Byrkjelo, for å ha ein attraktiv treningsplass ein gong i blant.

For 13-åringar og eldre har Gloppen FIL trening, som går hovudsakeleg på Byrkjelo, og Loggane.

Markus Berg Horntvedt hadde ei svært god tid på 2 km i kveld; 8,41 på dei to kilometerane.  Frida Mardal Fuglestrand og Lilly Svidal Sande gjorde også sine saker veldig bra.

 Desse var med på Gloppe-Trim nr 2 i kveld:

                                                                        Endeleg på toppen!

No ligg påmeldinga open på EQtiming for årets motbakkeløp Svinestranda Opp.  Tidlegare år har det vore påmelding via mosjon.friidrett.no, men i år sltså på EQtiming.

  Svinestranda Opp (eqtiming.com) 

Innbydinga til løpet finn du i artikkelen nedanfor, med dei detaljane som du kanskje lurer på.  Vil du ha overnatting, er det kanskje lurt å vere tidleg ute; f.eks med bestilling på Gloppen Hotell , Gloppen Camping og Fritidssenter , Nordfjord Lodge (Breim) , eller hos andre aktørar i overnattingsbransjen.

Les innbydinga her: Svinestranda Opp - innbyding  

Fjellhug/Vereide il stilte også i år med eit jentelag og eit gutelag i Breimstafetten.  Dei gjorde ein fin innsats, og fekk kvar sin 5. plass.

Nydeleg ver ga ei god ramme rundt stafetten, og det var også bra med publikum.  Vi håpar alle deltakarane syntes det var stas å delta på fylkets eldste stafett, og neste år skal vi gjere det enno betre!

Med på laga var: 

I morgon er det Breimstafett, og Fjellhug/Vereide stiller med eit gute- og eit jentelag.  Det vil alltid bli endringar på det som vi først set opp, men "kvelden før kvelden" har vi laga slik du ser dei nedanfor.

Friidrettsgruppa håpar at alle kan møte med Fjellhug/Vereide-jakker/-genserar, slik at vi tek oss fint ut på defileringa.  Har du ikkje sjølv, får du kanskje låne ei jakke/gensar.

Alle må møte ved Barnehagen på Reed ("Reed Skule") seinast kl 12.00. Då går vi ut og ser på etappane. Om etappefordelinga i morgon blir akkurat slik som i oppsettet , må vi sjå på då, men mest truleg får alle den etappen dei er sett opp på.