Nytt frå O-gruppa
Postet av Fjellhug/Vereide IL den 8. Des 2014
Magnus Eide og Magnar Slagstad, med Thomas Natvig Årstad i midten
Tysdag 2.desember kom rekrutteringsturneen til Norges Orienteringsforbund
til Sogn og Fjordane. Det var samling på Skei der Magnar Slagstad og Magnus
Eide deltok på opplegget "Møt en mester". Der fekk dei og 7 andre ungdomar
frå fylket møte Thomas Natvig Årstad og fekk inspirasjon til vidare trening
og satsing frå han. Det var råtassløp med hovudlykt i området omkring Skei
skule med påfølgande film og foredrag frå "mesteren".
Samstundes fekk dei vaksne prøvd seg på ulike øvingar som er aktuelle å
nytte på treningar, med påfølgjande diskusjon/erfaringsutveksling omkring
rekruttering til orienteringssporten. Vidar Eide deltok frå Fjellhug/Vereide
på dette.
Kommentarer
Logg inn for å skrive en kommentar.